Posted in Salam Karne Ki Sunnat Aur Aadab

08 Salam Karne Ki Sunnat Aur Aadab

Salam Karne Ki Sunnate Aur Aadab 07 Padne Ke Liye Click Kare

(28) Jab Do² Islami Bhai Mulaaqat Kare

Jab Do Islami Bhai Mulaaqat Kare To Salam Kare Aur Agar Dono Ke Beech Me Koi Sutoon, Koi Darakht Ya Deewar Wagairah Darmiyan Me Ha’eel Ho Jaye Jaise Hi Miley Dobara Salam Kare.

Hazrate Abu Huraira (RadiAllah Anhu) Se Marwi Hai Ki Huzoor Tajdar-e-Madina ﷺ Ne Farmaya : “Jab Tum Me Se Koi Shakhs Apne Islami Bhai Ko Miley To Usko Salam Kare Aur Agar Inke Darmiyan Darakht, Deewar Ya Patthar Wagairah Ha’eel Ho Jaye Aur Woh Fir Ussey Miley To Dobara Usko Salam Kare”.

[📗Sunan Abi Dawud, Kitab-ul-Aadab, Jild: 04, Safa: 450, Hadees: 5200]

(29) Khat Me Salam Likha Hota Hai Uska Bhi Jawab Dena Wajib Hai

Khat Me Salam Likha Hota Hai Uska Bhi Jawab Dena Wajib Hai Iski Do² Surte Hai, Ek To Yeh Ki Zaban Se Jawab De Aur Dusra Yeh Ki Salam Ka Jawab Likh Kar Bhej De Lekin Chunki Jawab-e-Salam Fouran Dena Wajib Hai Aur Khat Ka Jawab Dene Me Kuch Na Kuch Takheer Ho Hi Jati Hai Lihaza Fouran Zaban Se Salam Ka Jawab De De. Aalahazrat (Rehmatullah Alaihi) Jab Khat Padha Karte To Khat Me Jo السلام عليكم Likha Hota, Us Ka Jawab Zaban Se De Kar Baad Ka Mazmoon Padte.

[ 📘Bahare Shariyat, Hissa: 16, Safa: 92]

(30) Agar Kisi Ne Aap Ko Kaha, “Fula Ko Mera Salam Kehna”

Agar Kisi Ne Aap Ko Kaha, “Fula Ko Mera Salam Kehna” To Aap Khud Usi Waqt Jawab Na De De. Aap Ka Jawab Dena Koi Ma’ni (Matlab) Nahi Rakhta Balki Jis Ke Bare Me Kaha Hai Ussey Kahe Ki Fula Aap Ko Salam Kaha Hai.

(31) Agar Kisi Ne Aap Se Kaha Ki Fula Ne Aapko Salam Kaha Hai

Agar Kisi Ne Aap Se Kaha Ki Fula Ne Aapko Salam Kaha Hai, Agar Salam Lane Wala Aur Bhejne Wala Dono Mard Ho To Yu Kahe : عليك و عليه السلام (Alayka Wa Alaihissalam).

Agar Dono Aurte Ho To Kahe : عليك و عليها السلام (Alayki Wa Alaihassalm).

Agar Pahuchane Wala Mard Aur Bhejne Wali Aurat Ho : عليك و عليها السلام (Alayka Wa Alaihassalam).

Agar Pahuchane Wali Aurat Ho Aur Bhejne Wala Mard Ho : عليك و عليه السلام (Alayki Wa Alaihissalam).

In Sabka Tarjama Yehi Hai : “Tujh Par Bhi Salam Ho Aur Us Par Bhi”

(32) Jab Aap Masjid Me Dakhil Ho

Jab Aap Masjid Me Dakhil Ho Aur Islami Bhai Tilawat-e-Quran, Zikr-o-Durood Me Mashgool Ho Ya Intizaar-e-Namaz Me Baithe Ho Unko Salam Na Kare. Ye Salam Ka Mouka Nahi Na Unpar Jawab Wajib Hai.

[ 📙Fatawa Alamgiri, Jild: 05, Safa: 225]

Imam-e-Ahle Sunnat, Mujaddid-e-Deeno Millat Ash’shah Moulana Ahmad Raza Khan (Rehmatullah Alaihi) Likhte Hai : “Zakir Par Salam Karna Mutlaqan (Bilkul) Mana Hai Aur Agar Koi Kare To Zakir Ko Ikhtiyaar Hai Ki Jawab De Ya Na De. Haa Agar Kisi Ke Salam Ya Jaiz Kalaam Ka Jawab Na Dena Uski Dil Shikni Ka Sabab Ho To Jawab De Ki Musalman Ki Dildaari Wazeefe Me Baat Na Karne Se Ahamm Wa Aazam Hai.”

[ 📗Fatawa Razwiyya, Jild: 23, Safa: 399]

(33) Koi Islami Bhai Darso Tadrees Ya Ilmi Guftagu Ya Sabaq Ki Takraar Me Hai Usko Salam Na Kare.

[ 📘Bahare Shariyat, Hissa: 16, Safa: 91]

👉  Ijtima Me Bayan Ho Raha Hai, Islami Bhai Sun Rahe Hai Aane Wala Salam Na Kare.

Advertisements
Posted in Salam Karne Ki Sunnat Aur Aadab

04 Salam Karne Ki Sunnate Aur Aadab

Salam Karne Ki Sunnate Aur Aadab 03 Padne Ke Liye Click Kare

(13) Salam Me Pahal Karne Wala Allah Ta’ala Ka Muqarrab Hai

Hazrate Abu Umama Sadi Bin Ijlanul Bahili (RadiAllah Anhu) Se Marwi Hai Ki Nabi-e-Mukarram (Sallallahu Alaihi Wasallam) Ne Farmaya : “Logo Me Allah Ta’ala Ke Ziyada Kareeb Wohi Shakhs Hai Jo Pehle Salam Kare”

[ 📗Sunan Abi Dawud, Kitab-ul-Aadab, Jild: 04, Safa: 449, Hadees: 5197]

Hazrate Abu Umama (RadiAllah Anhu) Se Riwayat Hai, Arz Kiya Gaya, Ya RasoolAllah (Sallallahu Alaihi Wasallam) ! Do² Aadmi Aapas Me Miley To Kon Pehle Salam Kare ? Farmaya : “Jo Unme Allah Ta’ala Ke Ziyada Kareeb Ho”

[ 📘Jami’aa Tirmizi, Jild: 04, Safa: 318, Hadees: 2803]

(14) Salam Me Pahal Karne Wala Takabbur Se Bari Hai

Hazrate Abdullah (RadiAllah Anhu) Nabi-e-Mukarram (Sallallahu Alaihi Wasallam) Se Riwayat Karte Hai, Farmaya : “Pehle Salam Kehne Wala Takabbur Se Bari Hai”

[ 📕Sha’ab-ul-Imaan, Jild: 06, Safa: 433, Hadees: 8786]

(15) Jab Ghar Me Dakhil Ho To Ghar Walo Ko Salam Kiya Kare Issey Ghar Me Barakat Hoti Hai Aur Agar Khali Ghar Ho To Ye Kahe “السلام عليك ايهاا النبي” (Assalmu’Alaika Ayyuhan-Nabiyy) Kahe Yani “Ay Nabi (Sallallahu Alaihi Wasallam) Aap Par Salam Ho”

Hazrate Mulla Ali Qari (Rehmatullah Alaihi) Farmate Hai : “Har Momin Ke Ghar Me Sarkar-e-Madina (Sallallahu Alaihi Wasallam) Ki Rooh-e-Mubarak Tashreef Farma Rehti Hai”

[ 📕Shara Shafaa, Jild: 02, Al Baab-ul-Rab’aa, Safa: 118]

Hazrate Anas (RadiAllah Anhu) Se Riwayat Hai Ki RasoolAllah (Sallallahu Alaihi Wasallam) Ne Farmaya : “Ya Bete ! Jab Tum Ghar Me Dakhil Ho To Salam Kaho, Yeh Tumhare Liye Aur Tumhare Ghar Walo Ke Liye Barakat Ka Ba’ees Hoga”

[ 📘Jami’aa Tirmizi, Jild: 04, Safa: 320, Hadees: 2707]

Ghar Me Jab Dakhil Ho Us Waqt Bhi Salam Kare Aur Jab Rukhsat Hone Lage Us Waqt Bhi Salam Kare. Hazrate Qatada (RadiAllah Anhu) Se Riwayat Hai Ki Nabi-e-Mukarram (Sallallahu Alaihi Wasallam) Ne Farmaya : ” Jis Waqt Tum Ghar Me Dakhil Ho Apne Ghar Ke Logo Ko Salam Kaho. Jab Apne Ghar Se Niklo To Salam Ke Sath Rukhsat Ho”

[ 📗Mishkat-ul-Masabeeh, Kitab-ul-Aadab, Baab-ul-Salam, Jild: 02, Safa: 165, Hadees: 4651]

Posted in Salam Karne Ki Sunnat Aur Aadab

02 Salam Karne Ki Sunnate Aur Aadab

Salam Karne Ki Sunnate Aur Aadab 01  Padhne Ke Yaha Click Kare

(7) Har Musalman Ko Salam Karna Chahiye Khwah Hum Usey Jante Ho Ya Na Jante Ho.

Hazrate Abdullah Bin Amr Bin Al Aas (RadiAllah Anhu) Se Marwi Hai Ki Ek Aadmi Ne Nabi-e-Mukarram (Sallallahu Alaihi Wasallam) Se Arz Kiya, Islam Ki Konsi Cheez Sabse Behtar Hai? To Aap (Sallallahu Alaihi Wasallam) Ne Farmaya :

“Yeh Ki Tum Khana Khilao (Miskino Ko) Aur Salam Kaho Har Shakhs Ko Khawah Tum Jante Ho Ya Nahi”.

[ 📕Sahih Bukhari, Jild: 04, Safa: 168, Hadees: 6236]

(8) Baaz Sahaba Sirf Salam Ki Garaz Se Bazar Me Jaya Karte The

Hazrate Tufail Bin Ubayy Bin Ka’b (RadiAllah Anhu) Se Marwi Hai Ki Woh Abdullah Bin Umar (RadiAllah Anhu) Ke Paas Jate To Woh Un Ko Sath Lekar Bazar Ki Taraf Chal Padte. Rawi Kehte Hai Jab Hum Chal Padte To Hazrate Abdullah (RadiAllah Anhu) Jis Raddi Farosh, Dukaan Daar Ya Miskeen Ke Paas Se Guzarte To Usko Salam Kehte.

Hazrate Tufail (RadiAllah Anhu) Kehte Hai, Ek Din Me Hazrate Abdullah (RadiAllah Anhu) Ke Paas Gaya To Unhone Mujhe Bazar Chalne Ko Kaha. Me Ne Arz Kiya, Bazar Ja Kar Kya Karenge ? Wah Aap Na To Khareedari Ke Liye Rukte Hai, Na Saman Ke Muta’allik Puchte Hai, Na Bhaw Karte Hai Aur Na Bazar Ki Majlis Me Baithte Hai, Meri Guzarish To Ye Hai Ki Yahi Hamare Paas Tashreef Rakhe. Hum Baat Karenge. Farmaya :

” Ay Bade Pet Wale! (Sayyeduna Tufail RadiAllah Anhu Ka Pet Bada Tha) Hum Sirf Salam Ki Garaz Se Jate Hai, Hum Jis Sey Milte Hai Usko Salam Kehte Hai”

[ 📗Riyaaz-ul-Saleheen, Kitab-ul-Salam, Hadees: 850, Safa: 249]

Posted in Salam Karne Ki Sunnat Aur Aadab

01 Salam Karne Ki Sunnate Aur Aadab

Salam Karna Hamare Piyare Aaqa, Taajdare Madina (Sallallahu Alaihi Wasallam) Ki Bahoot Piyari Sunnat Hai. Bad Qismati Se Aaj Kal Yeh Sunnat Bhi Khatam Hoti Nazr Aa Rahi Hai. Islami Bhai Jab Milte Hai To السلام عليكم (Assalamu’alykum) Se Ibtida Karne Ke Bajaye “Aadab Arz”, “Kya Haal Hai ?”,  “Mizaaj Shareef”, “Subah Khair”, “Shaam Bakhair” Wagairah Wagairah Azeebo Gareeb Kalimaat Se Itbida Karte Hai. Yeh Khilafe Sunnat Hai.

Rukhsat Hote Waqt Bhi “Khuda Hafiz”, “Good Bye”, “Tata” Wagairah Kehne Ke Bajaye Salam Karna Chahiye. Haa Rukhsat Hote Huwe  السلام عليكم Ke Baad “Khuda Hafiz” Keh De To Haraj Nahi.

Salam Ki Chand Sunnate Aur Aadab Mulahaza Ho :

(1) Salam Ke  Behtareen Alfaaz Yeh Hai

السلام عايكم و رحمةالله و بركاته

“Yani Tum Par Salamati Ho Aur Allah Ta’ala Ki Taraf Se Rehmate Aur Barakate Nazil Ho.”

[ 📗Fatawa Razwiyya, Jild: 22, Safa: 409]

(2) Salam Karne Wale Ko Ussey Behtar Jawab Dena Chahiye

Allah Ta’ala Irshad Farmata Hai : “Aur Jab Tumhe Koi Kisi Lafz Se Salam Kare To Tum Us Se Behtar Lafz Jawab Me Kaho Ya Wohi Kehdo”

[ 📕Al Quran, Surah Nisa, Para: 05, Aayat: 86]

(3) Salam Ke Jawab Ke Behtareen Alfaaz Yeh Hai

و عليكم السلام و رحمةالله و بركاته

Yani “Aur Tum Par Bhi Salamati Ho Aur Allah Ta’ala Ki Taraf Se Rehmate Aur Barakate Nazil Ho”

[ 📘Fatawa Razwiyya, jild: 22, Safa: 409]

(4) Salam Karna Hazrate Sayyeduna Aadam (Alaihissalam) Ki Bhi Sunnat Hai.¹

Hazrate Abu Huraira (RadiAllah Anhu) Se Marwi Hai Ki Huzoor Sayyide Do Aalam (Sallallahu Alaihi Wasallam) Ne Farmaya :

“Jab Allah Ta’ala Ne Hazrate Sayyeduna Aadam (Alaihissalam) Ko Paida Farmaya To Unhe Hukum Diya Ki Jao Aur Firishto Ki Us Baithi Hui Jama’at Ko Salam Karo. Aur Gour Se Suno ! Ki Woh Tumhe Kya Jawab Dete Hai. Kyuki Wohi Tumhe Kya Jawab Dete Hai. Kyuki Wohi Tumhara Aur Tumhari Aoulaad Ka Salam  Hai. Hazrate Sayyeduna Aadam (Alaihissalam) Ne Firishto Se Kaha :

السلام عليكم

To Unhone Jawab Diya,

السلام عليكم و رحمةالله

Aur Unhone

و رحمةالله

Ke Alfaaz Za’eed Kahe”.²

¹[ 📘Mir’at-ul-Manajeeh, Jild: 06, Safa: 313]

²[ 📙Sahih Bukhari, Jild: 04, Safa: 164, Hadees: 6227]

(5) Aam Tour Par Ma’roof Yehi Hai Ki السلام عليكم (Assalamu’alykum) Hi Salam Hai. Magar Salam Ke Dusre Bhi Kuch Seege Hai. Maslan Koi Aa Kar Sirf Kahe “Salam” To Bhi Salam Ho Jata Hai Aur “Salam” Ke Jawab Me “Salam” Kah Diya, Ya السلام عليكم (Assalamu’alykum) Hi Kah Diya Ya Sirf  و عليكم (Wa’Alykum) Kah Diya To Bhi Jawab Ho Gaya.

[ 📗Bahare Shariyat, Jild: 03, Hissa: 16, Safa: 93]

(6) Salam Karne Se Aapas Me Mohabbat Paida Hoti Hai

Hazrat Abu Huraira (RadiAllah Anhu) Se Marwi Hai Ki, Huzoor Nabi-e-Mukarram (Sallallahu Alaihi Wasallam) Ne Farmaya :

“Tum Jannat Me Dakhil Nahi Hoge Jab Tak Imaan Na Lao Aur Tum Momin Nahi Ho Sakte Jab Tak Ki Tum Ek Dusre Se Mohabbat Na Karo. Kya Me Tum Ko Ek Aysi Cheez Na Batau Jis Par Tum Amal Karo To Ek Dusre Se Mohabbat Karne Lago. Apne Darmiyan Salam Ko Aam Karo”

[ 📕Sahih Muslim, Jild: 01, Safa: 74, Hadees: 54]

[ 📘Sunan Abu Dawud, Jild: 04, Safa: 448, Hadees: 5193]